Бөөр

Бөөр нь шош хэлбэртэй хос эрхтэн бөгөөд хэвлийн хөндийд өрцний доор байрладаг. Зүүн бөөр нь баруун бөөрнөөсөө хэдэн см-р ялимгүй дээр байрладаг. Бөөрний артери нь бөөрөнд цус болон  шим тэжээлийн бодисыг зөөвөрлөж, харин бөөрний вен бөөрнөөс шүүгдсэн цусыг цусны урсгал руу оруулдаг. Бөөрөнд илүүдэл ус болон бодисын солилцооны эцсийн бүтээгдэхүүн ялгарч шээс болон гадагшилдаг. Шээс үүсээд шээсний цоргоор дамжин давсганд ирж хуримтлагддаг. Бөөр тус бүрд сая орчим нефрон гэж нэрлэгдэх шүүлтүүр байдаг бөгөөд нефрон тус бүр гломерул гэж нэрлэгдэх цусны судас мөн шээс зөөвөрлөгч хоолойноос тогтдог. Нефрон нь анхдагч шээсийг эргэн шимэгдүүлж эцсийн шээс үүсгэдэг. Шээсний ялгаралт нь хэр их шингэн ууснаас хамаардаг байна. Бөөрний гадна талд холтослог давхрага орших бөгөөд доторх давхрагыг тархилаг давхрага гэдэг.